Великобрітанії є знаме, же за минулорічнов неуспішнов пробов о пуч в Турції была Фетуллагова терорістічна орґанізація і їй лідер Фетуллаг Ґілен. Говорить то брітаньскый амбасадор в Анкарі Річард Мур. Інформовала о тім аґентура Anadolu. Мур про станіцю CNN в розговорі повів, же Лондон тоту орґанізацію не бере за терорістічну, но тото за думками амбасадора не є важным, „бо барз добрі знаме, же за пробов о пуч быв рух Ґілена.“ Підкреслив, же брітаньскый міністер про Европу і Америку Алан Данкен быв обще першым загранічным представительом, котрый Турцію по неуспішнім пучі навщівив.
(Петро Медвідь)