Америцькы і югокорейскы вояци зачали днесь шторічны сполочны маневры, котры проходять в часі великого напятя запричіненого северокорейскыма пробами міджіконтіненталных балістічных стріл з минулого місяця. Воєньскы маневры під назвов Ulchi Freedom Guardian суть до великой міры сімулаційов войны на Корейскім півострові і будуть проходити аж до 31-го авґуста. Участь на них бере 50 тісяч югокорейскых вояків і приблизно 17 і пів тісяч Америчанів. Пыхйонґянґ означує тоты маневры за „незодповідну“ ґенералку інвазії, котра може спустити „неовладательну фазу ядровой войны“. Югокорейскый презідент Мун Че-ін днесь выголосив, же маневры мають лем характер оборонный.
(Петро Медвідь)