Україньске міністерство заграничных справ выголосило за нежелаючу персону робітника ґенералного конзулату в Львові, котрый є за інформаціями тайной службы SBU підозрілый зо шпіонажы. Інформації здобывав од навербованого члена україньской армады у выслужбі, увела пресова служба україньской тайной службы. Російскый діпломат уж одыйшой з країны. В реакції на поступ влады в Кієві Росія выголосила за нежелаючу особу робітника україньского ґенералного конзулату в Петрограді, увело то російске міністерство заграничных справ. Російске міністерство у своїм выголошіню увело, же україньскы тайны службы „іщі в маї 2019-го року зосновали дальшу провокацію“, кедь робітника російского ґенералного конзулату в Львові без доказів обвинила з актівіт, котры якбы то „перекрочіли границі професіоналных повинности“. (TASR, Пкф)