Крайні правіцовы партії Народне здружіня (RN) і єй союзници здобыли у вчерайшім першім колі предчасных волеб  у Франції 33,13 процента голосів. Выходить то з офіціалных выслідків зрахуваня голосів опублікованых днесь францюзькым міністерством внутра. Інформувала о тім аґентура AFP. На другім місці зо скоро 28 процентами голосів скінчив лівіцовый Новый людовый фронт (NFP). За центрістічный презідентьскый блок Вєдно (ENS), котрый скінчив на третім місці, голосувало 20,04 процента воличів. Вольбы спроваджала скоро рекордна участь – своє право выужыло 66,71 процента воличів. Іде о найвекшу участь од першого кола парламентных волеб в року 1978, з выїмков волеб в року 1986. Презідент Еммануел Мацрон і його союзници днесь зачали тыждень інтензівной кампанії перед другым колом волеб, котры одбудуть ся 7-го юла, абы забранили крайній правіці в єй історічнім першім здобытю абсолутной векшыны. (TASR, Pkf)