Лідры Франції, Німецька, Італії, Великобрітанії і Споєных штатів почас понедількового телефонічного розговору высловили свою підпору сувереніті і теріторіалній цілости Україны. Інформовала о тім аґентура AFP з одкликаньом на Елізейскый палац. Лідры єдночасно „выразили свій обовязок діяти в інтересі міру і безпечности в Европі,“ інфомровала канцеларія французького презідента. Лідры так само підкресили, же є потрібным, жебы Росія знова залучіла ся до їднань з Українов в рамках нормандьского формату під покровительством Франції і Німецька. Вызвали Росію, жебы деескаловала напругы, котры в остатнім часі меджі Москвов і Києвом наросли з причіны громаджіня російскых вояків на граніцях з Українов.

(Медвідь, TASR)