Жытелі Парижа підпорили в недільнім референдумі пропозицію на звышіня поплатків за паркованя про авта класу SUV. Выходить то з офіціалных выслідків, котры опубліковала парижска радниця, інформує о тім аґентура AFP. З пропозиційов на звышіня парковного про авта з вагов над 1,6 тоны на 18 евр за годину в центрі міста, респективно на 12 евр мімо центра, было согласных 54,55 голосуючіх Парижанів. Голосувати шак прийшло лем 5,7 процента можных воличів – 78.000 з 1,3 міліона. (TASR, Pkf)