Америцькый міністер загранічных діл Майк Помпео в понедільок оголосив, же Споєны штаты уж не будуть брати жыдівскы осады на теріторії западного берегу Йордану за незаконны. Інформовала о тім аґентура AFP. Зміну політікы Вашінґтону односно жыдівскых осад на тій теріторії, котру Помпео оголосил, опередила приблизно рік тырваюча аналіза зроблена правным одділіньом його міністерства. На аналізі брали участь фаховці з области меджінародного права, як і представителі іншых держав. Высока представителька Европской унії Федеріка Моґерінійова ся такой потім высловила, же Унія і надалше осады бере за незаконны і насельованя той теріторії підкопує можливости на тырвалый мір і жывотаспособность рішіня двох держав.

(Медвідь, TASR)