Еґіптьскы уряды у четверь по рокох обновы зась сприступнили про публіку Джосерову ступнёвиту піраміду поставлену перед 4700 роками. Приближно 60 метрів высока піраміда домінує великому погребиску Саккара южно од головного міста Кагіра а є частёв староеґіптьской метрополы Мемфіс, локаліты Світовой културной дїдовизны UNESCO. ,,Закінчіли сьме обнову першой і найстаршой піраміды в Еґіптї- піраміды владаря Джосера, основателя Старой рішы. Є то перша будова на світї поставлена выключно з каміня,“ повів на локалітї еґіптьскый міністер про памяткы і путёвый рух Халід Анані, котрого цітує тискова аґентура AFP.

(TASR, Шутіова)