Европска унія і тот рік давать честь вшыткым тым, котры ся стали жертвами тоталітных режімів на цїлїм світї. У четверь то в сполочнім выголошіню з нагоды Европского дня памяткы жертв вшыткых тоталітных і авторітарьскых режімів увели підпредседнічка Европской комісії про годноты і транспарентность Вєра Йоурова, еврокомісарь про справодливость Дідіер Рейндерс і еврокомісарька про рівность Гелена Далліова. Европскый день памяткы жертв вшыткых тоталітных і авторітарьскых режімів знамый і як Европскый день спомінкы на жертвы сталінізма і націзма сі Европане на імпулз Европского парламенту припоминають од року 2009. Представітелї еврокомісії підкреслили, же треба сокотити історічну память а припоминати сі чуда тоталітных злочінів, жебы мож было ся з минулостёв вырівнати а забезпечіти, же ся уж не буде повторяти.

(TASR, Шутіова)