Европска унія (ЕУ) днесь пожадала міністрів обороны членьскых країн, абы дали конкретный перегляд воєньской помочі, котру давають Україні на єй бой проти російскій інвазії. Інформує о тім аґентура  AFP. Европскы країны патрять меджі найвекшых додавателів зброї Україні од зачатку російской інвазії на єй теріторії з фебруара  2022-го року. Покы ся але неподарило сповнити обовязок з минулого року, з марца, в котрім ся вєдно завязали додати Києву до рока єден міліон штук ділострілецькой муніції. Завтра в Бруселі ся одбуде самміт Европской рады зложеной з лідрів членьскых країн, на котрім буде доміновати тема воєньской помочі про Україну, конкретно і 50 міліард евр з розрахунку ЕУ про Києв, котры блокує  Мадярьско. (TASR, Pkf)