В Европі буде выбудованых вісем центер про супер компютеры. Европска унія хоче даным способом добігти страты, котру мать в рамках технічного конкуренчного боя в одношені до країн, як суть Чайна, США або Японія. Першы центра бы ся мали зачати хоснувати в другій половині будучого рока, причім будуть перепоєны высокоскоров сітьов, увела то Европска комісія. Цілково бы ся до центер мало інвестовати 840 міліонів евр. Центра мають быти выбудованы в булгарьскій Софії, словіньскім Маріборі, в Остраві в Чехії, іспаньскій Барцелоні, портуґалскім реґіоні Мінго, лухембурьскім Бісені, Каяані у Фінландії і в італійскій Болоґні. (TASR, Пкф)