Турецькый презідент Речеп Тайїп Ердоґан означів резултаты недільняйшых комуналных волеб про свою владну Партію справедливости і розвитку за переломовы. Єдначсно признав, же його партія не досягла встановленых цілів, но буде решпектовати рішіня гражданів. Резултаты волеб за словами презідента одкрыто і себекрітічно оцінять в орґанах партії. Подля дотеперішніх резултатів Партія справедливости і розвитку потерпіла масивны страты в цілій країні. Опозічна Републіканьска людова партія здобыла подля пресаґентуры Анадолу найвеце провінцій. Їй кандідаты зо значным наскоком обгаїли пріматорьскы посады в найлюднатішім місті Істанбул, як і в столиці Анкара.

(Медвідь, TASR)