Урадаючій турецькый презідент Рецеп Таїп Ердоґан ся із 52,29 процентами голосів став офіціалным переможцьом передчасных презідентскых волеб. Інформувала о тім турецька Найвыша волебна рада, котра опубліковала фіналны выслідкы передчасных парламентных і презідентскых волеб. Аліянція Ердоґановой володіючой Партії справодливості і розвоя і Партія народного руху собі із 53,6 перцентами голосів забезпечіла в 600-місцевім парламенті 344 крісел. Партія справодливості і розвоя, котра обсадила 295 місць, бы без підпоры Партії народного руху векшыну в парламенті нездобыла. Волебна участь досягла 86,2 процентів.
(TASR)