Европска комісія вчера попередила мадярьску владу, котра од вчерайшого дня з причіны пандемії нового сорту коронавірусу знова заперла границі країны, на діскрімінацію на основі штатной приналежности і тыж на важність “інтеґріты шенґенского простору“. Еврокомісар про справодливoсть Дідіер Реіндерс на Твітері ознамив, же у тім звязку уж заслав письмо владі Віктора Орбана. Мадярьско позволило выїмку зо заказу вступу чужинців на свою територію про жытелів остатных країн Вышеградской штирькы – Ческой републикы, Словакії і Поландії і то лем в сітуації як ся леґітімують неґатівным тестом на COVID-19 зреалізуваным за послідніх пять днів. (TASR, Pkf)