Eкстремістічна oрґанізація Iсламскый штат опубліковала вчера відео, в котрім грозить Ірану новыма терорістічныма атаками і вызывать молодых Iранців, жебы у своїй країні зачали вести джігад. Iнформовала о тім днесь аґентура Ройтерс. В кліпі із лоґом пресаґентуры Aмак сприязненой з ІШ суть знимкы з двох недавных терорістічных атаків в іраньскій метрополі Тегеран, при котрых загынуло 18 людей. „Так як підрізуєме каркы вашым псам в Іраку і Сірії, підріжеме вам горла в центрі Тегерану,“ говорить на відеозаписі хлоп в перзькім языку з чуджім акцентом. Переважно шітьскый Iран є єдным із найвекшых неприятелів мілітантів ІШ.
(Анна Кузмякова)