Французькый презідент Еммануел Макрон остерігав, же проґрамы крайной правіці і лівіці можуть вести ку гражданьскій войні. Повів то в подкасті одвысыланім у понедільок. Презідент крітіковав крайно правіцьове Народне здружіня і крайно лівіцьовый рух Непіддайне Франція, як і тых, што їх наслідують. За його словами Народне здружіня розділює і тискать на гражданьку войну, Непіддайна Франція просаджує форму комунітарізму, але за тым є так само гражданьска война. Макрон боронив своє рішіня розпустити парламент по евровольбах, в котрых презідентьска векшына програла. Подля найновішых бадань Народне здружіня може мати у вольбах 33 процент, Непіддайна Франція 27 процент, і Макронів блок з назвов Вєдно бы скінчів аж на третім місці із 20-ма процентами голосів.

(Медвідь, TASR)