Депутаты Европского парламенту у віторок в Штрасбурзі схвалили план ЕУ і ґрупы G7 пожычіти Україні аж 35 міліард евр на їй обнову і оборону проти Росії, причім цілкова сума фінанчной помочі має быти до 45 міліард евр, інформує TASR. Евродепутаты по діскусії рано схвалили суму 35 міліард евр. За было 518 депутатів, проти 56 і 61 ся стримало голосованя. Іде о пожычку в рамках макрофінанчной помочі, котрой цільом є підпорити Україну, яка мусить бороти ся з російсков аґресійов. Пожычка є вкладом Унії до ініціатівы ґрупы G7, котра была доїднана в юні минувшого року. В тім плані рахує ся і з пінязями зо замороженых актів російской централной банкы.

(Медвідь, TASR)