Европскый парламент у віторок оголосив, же вырішыв о одобратю парламентной імуніты бывшому каталаньскому лідерови Карлесови Пуждемонови і далшым двом каталаньскым політікам. Інформовав о тім портал Euronews. Рішіня европарламенту уможнить Іспанії жадати о выданя тых трьох депутатів Европского парламенту на карный процес. Пуждемон і бывшы міністры його влады – Клара Понсатіова і Тоні Комін, суть в Іспанії обвинены в повязаню з неуспішнов пробов о выголошіня незалежности Каталанії із 2017-го року. Европарламент о выданю депутатів вырішовав у понедільок вечур в тайнім голосованю. Пужденом, Понсатіова і Комін были у 2019-ім році зволены за депутатів Европского парламенту, што значіть, же здобыли імуніту перед карным процесом.

(Медвідь, ТASR)