Европскый парламент (ЕП) вчера запропонував посилнити і розшырити пропозицію Европской комісії на розробіня діректівы о охороні інформаторів в рамках цілой ЕУ. Імпулз выйшов з Выбору ЕП про правны діла. Даный выбор розшырив пропозицію еврокомісії о слободну можность єднотливця выбрати собі способ якым хоче подати справу повязану з одкрываням незаконной діятельності, котра пошкоджує общій інтерес, є против жытелів і сполочности. То значіть і можность обернути ся прямо на медія, як існують адекватны причины думати собі, же неможуть схосновати інтерны і ехтерны комунікачны каналы з причины як бы то безпосереднього небезпеченства, грозьбы про общій інтерес, або окремы сітуації, як суть тайны договоры, участь орґанів на кавзах ці небезпека знічіня доказів.
(TASR)