Польскый презідент Анджей Дуда писомно пожадав ґенералного таёмника NATO Марка Рутего, жебы на найблизшім самітї Аліанції в юні в Гаґу настолив вопрос мінімалных выдавків на обрану а жебы ся вырїшыло о їх підвышіню на найменше три процента ГДП. Дуда о тім інформовав на тисковій конференції по стїчі з Рутем, інформує о тім справодайця TASR. ,,Не од року 2030, але такой. З барз простого доводу: не можеме чекати, рішїня ся мусять робити ефектівно а скоро, жебы сьме зась выбудовали наш обранный потенціал. Вказало ся, же Европа не є приготовлена на воєньске огрожіня,“ коментовав жадость о підвышіня выдавків польскый презідент.

(TASR, Шутіова)