Польскый презідент Анджей Дуда зачав у понедільок дводньову навщіву Німецька. Першы годины присвятив господарьскій діпломації, підпорі польскым фірмам, котры діють в Німецьку і на рынках далшых западоевропскых держав. Днесь є на плані їднаня з німецькым презідентом Франком-Валтером Штайнмаєром і канцеларьков Меркеловов. Подля інформацій, котры публіковав шеф кабінету польского презідента Кжіштоф Щерскі, бы берліньскым їднаням мали доміновати темы як будучность Европской унії, европско-америцькы односины як і проблематіка ґазоводу Nord Stream 2. Тот російско-німецькый проєкт не має підпору Варшавы, бо за думками Польщі веде збудованя такых трас ку іщі векшій залежности Европы на Росії.
(Медвідь, TASR)