Великобрітаньска премєрка повторила свою неґатівну позіцію односно далшого референдума о брексіті. Выразила ся так посередницьтвом свого говорцю в реакції на найновішу анкету станіці Sky News. Анкета, котрой резултаты были публікованы в понедільок, вказала, же векшына жытелів кральовства бы привітала новый референдум, в котрім бы вырішовали меджі договором о условіях брексіту запропонованых владов, жадным договором і зістаньом Великобрітанії в Европскій унії. Із резултатів новой анкеты так само выходить, же дві третины жытелів, включно тых, котры у 2016-ім році в референдумі голосовали за выступліня із Европской унії, собі теперь думають, же резултат їднань з Унійов скінчіть про державу плано.
(Медвідь)