Румунія зачала додавати плін до Молдавії, котра з причіны войны на Україні запасить з енерґетічнов крізов. Інформувала о тім аґентура AFP. Плін зачав через пліновод, котрый споює місто Ясі на северовыході Румунії з пограничным молдавскым містом Унґгені, прудити  через вікенд. Пліновод з довжинов 43 кілометрів, котрого выбудованя частково фінанцовала Европска унія, досягує рочну транспортну капаціту скоро 1,5 міліярды кубічных метрів  (m3), што выстачіть на покрытя рочных потреб Молдавії. Україна даколи  забезпечувала коло 30% потреб Молдавії в області електрикы. Решта 70% походила з електрарні в сепаратістічнім реґіоні Поднестерско. Російов підпорованы сепаратісты шак додавкы до звышніх області Молдавії в новембрі заставили. (TASR, Pkf)