Председа Евроспкой комісії Жан-Клод Юнкер звернув увагу на то, же Турція не дістане членство в Европскій унії, покля знова заведе кару смерти. Про Унію є важным, жебы Турція была демократічна, стабілна і господарьскы успішна, повів Юнкер про німецькы новинкы Bild am Sonntag. Подля його слов бы ся Турція, котра зачала приступовы їднаня в році 2005, радше мала приближовати ку Европі, а не одходити од ньой. Юнкер підкреслив, же Унія є союзом вартостей. Кібы Анкара завела кару смерти, дефінітівно бы заперла свої двері до Европской унії. Презідент Турції Ердоґан в суботу выголосив, же бы схвалив закон, котрый бы завів кару смерти, покля бы то парламент запропоновав, припоминать аґентура Associated Press.
(Петро Медвідь)