Председа Европской рады Доналд Туск в телефонічній дебатї з британьсков премєрков Терезов Мейовов повів, же постой Европской унії є ясный і конзістентный – догода о брексітї не є отворена на знову продебатованя. „Вчера сьме ся дознали, же Споєне кралёвство не хоче. Але фурт незнаме, што Споєне кралёвство хоче,“ написав Туск по телефонатї на Твітері. За  інформаціями телевізной станіці Скі Ню телефоновав вчера з Мейовов і ірьскый премєр Лео Варадкар. Тот є пояснив немінну позіцію Ірьска і ЕУ у справі догоды о брексітї і о тзв. ірьскім поіщіню,завдякы котрого бы зостала границя меджі Ірьсков републиков і Северным  Ірьском  отворена.

(TASR, Кімак)