x

Доналд Трамп став 47-ым презідентом США

00

Републікан Доналд Трамп в ротунді америцького Капітолу в понедільок наполідне містного часу склав святочну присягу на свій другый функчный період і став 47-ым презідентом Споєных штатів Америкы. Трамп склав присягу до рук председы Верьховного суду США Джона Робертса. Курто перед тым склав присягу і новый віцепрезідент Джеймс Дейвід Ванс, котрый дотеперь быв сенатором за штат Огайо. У віці 40 років став третім наймолодшым віцепрезідентом в історії. Понедільковов інавґураційов Трамп став лем другым презідентом в історії Споєных штатів, котрого другый функчный період не наслідує безпосередно по першім. Першым быв демократ Ґровер Клівленд, котрый країну вів кінцьом 19-го столітя.

(Медвідь, TASR)