Америцькго презідента Доналда Трампа чує общность в многых країнах неґатівно, але образ самых Сполученых штатів є ґлобално приятельный. Выпливать то з дослідженя общого мнінія інштитуту Pew Research Center, котрый опубліковала аґентура AFP. Аж 64 процентів опросеных поза територію Сполученых штатів недовірює Трампові в тім, же буде робити правдиву заграничну політику, покы што довіря му высловило лем 29 процентів респондентів. Трам є в першім ряді непопуларный в западній Европі. В Німецьку Трампові довірює лем 13 процентів опросеных, у Шведії 18 процентів, у Франції 20 процентів, в Іспанії 21 процентів, в Голандії і Ґреції 25 процентів а в Британії 32 процентів. На Словакії покы довірює Трампові 34 процентів опросеных. (TASR, Pkf)