В єден момент при словах америцького презідента Доналда Трампа о Корейскій людоводемократичній державі зашуміла ціла сала Ґенералной Ансамблеї Орґанізації Обєднаных народів а то як повів, же треба быти приправены і на сітуацію, кедь буде треба зрівнати Северну Корею зо земльов. На основі слов словацького презідента Андрея Кіска, котрый бере тыж участь на 72. засідані Ґенералной Ансамблеї Орґанізації Обєднаных народів, з боку америцького презідента є то значно “експресівне“ высловліня свого назору, як поступати в припаді, жебы Северна Корея насправды свої грозьбы о ядровых атакох зреалізувала.
(Петро Кімак-фейко)