Презідент США Доналд Трамп вчера вечурь выголосив, же його перша стріча з російскым презідентом Владіміром Путіном од наступу до уряду ся одбуде в Саудскій Арабії. Обідвоє лідры вєдно телефоновали вчера в пообідняйшім часі і згодли ся на што найскорішім зачатю їднаня о скінчіню войны на Україны. Інформує о тім аґентура AFP. По телефонаті з Путіном в середу Трамп безодкладно говорив і з україньскым презідентом Володимиром Зеленьскым. На марґо членьства Україны в NATO вечурь повів, же го неповажує за практічне і думать собі, же на Україні ся в „єднім моменті“ будуть мусіти зреалізувати вольбы. (TASR, Pkf)