Презідент серьбской часті Босны і Герцеґовіны Мілорад Додік хоче перебрати одповідність за вольбы у своїй часті країны од штатной волебной комісії в главнім місті Сараєво. Парламент частково автономной Републикы серьбской  вытворить властный волебный закон про републіковы і містьтны вольбы, ознамив Додік вчера в адміністратівнім главнім місті Баня Лука. Інформує о тім пресова аґентура DPA. Босна і Герцеґовіна є од войны в рокох 1992 аж 1995 розділена на дві полоавтономны часті – мослімско-хорватьску Федерацію Босны і Герцеґовіны і Републику серьбску.  Вонкайше заступліня, менову політику, охрану границь, армаду і дальшы функції выконавають штатны інштітуції. Даитонскым мірововым договором з року 1995 взяло меджінародне сполоченство заруку за тот штатный порядок. Додік ся ак серьбскый націоналіста уж рокы снажыть поступово одділіти свою часть країны од векшого боснянского штату. (TASR, Pkf)