Нова платформа про угля, котру в понеділок зачала реалізувати Европска комісія, мать улегчати выпрацюваня проєктів і довгодобых стратеґій в угольных реґіонах Европской унії с цільом зачати процес переходу і реаґувати на енвіроменталны і соціалны вызвы. Дотулять ся то і Словакії, підкреслив то підпредседа Европской комісії про Енерґетічну унію Марош Шефчовіч. Коміся пригадала, же 41 реґіонів в 12 членскых штатох ЕУ активні добывать угля і давать такым способом пряму роботу скоро 185.000 людям. В послідніх десятирічях ся шак продукція і спотреба угля в ЕУ фурт понижує і ексекутіва ЕУ приходить с планом, як угольным реґіонім помогти в економічній трансформації і приправити їх на нову господарску будучність.
(ТАSR)