Штатный погріб умертой британьской кральовной Алжбеты ся зачав днесь о 11.00 год. (12.00 SELČ) в лондиньскім Вестнінстерскім опатстві. Тырвав годину і на його кінці были дві мінута тиха в цілім Споєнім кральовстві. Штатный погріб ся одбыв подля строгого протоколу. Брало на нім участь асі 2000 позваных смуточных гостей вєдно членів европскых кральовскых родин, заступців країн Commonwealthu і світовых політичных лідрів. Участь на погробі брав і америцькый презідент Йое Біден зо женов, председничка Европской комісії Урсула вон дер Леинова ці францюзькый презідент Еммануел Мацрон. Словакію заступовала презідентка Зузана Чапутова.  (TASR, Pkf)