Брітаньскый премєр Борис Джонсон в середу повів, же го заінтересовала вызва французького презідента Еммануела Макрона на вытворіня шыршого „европского політічного общества“. Джонсон єдночасно твердить, же тота думка была первістно його. Інформацію принесла аґентура AFP. Макрон в маї представив план на вытворіня такого общества, котре бы творили европскы демократічны державы, і тоты, котры не суть в Европскій унії. Членами такого зґрупованя бы подля нього моглиа быти Україна ці постбрекстівоа Великобрітанія. Джонсон повів, же з Макроном о тім плані діскутовали і на саміті ґрупы G7.

(Медвідь, TASR)