Лідер британьскых опозичных лейбрістів Джеремі Корбен є охочі їднати з премьєрков Терезов Мейовов о формі брехіту з цільом вырішыти взникнуту патову сітуацію. Інформували о тім аґентуры  AFP і AP. Корбен выголосив, же ся „барз рад„ стрітне з Мейовов, абы з ньов їднав о можностях сполочного одношіня у вопросі, якым способом бы Споєне кральовство мало зохабити Европску унію. Лідер британьской опозиції так реаґував на скорше выголосіня председничкы британьской влады о тім, же в снажіню досягти покрок в стаґнації веджіня переговорів о подобі брехіту бы хотіла ся з Корбеном стрітнути. Тото выголошіня шефкы владного кабінету приходить за словами аґентуры AP в часі, кедь роснуть обавы з того, же країна зохабить Унію уж 12. апріла. То значіть є то термін, до котрого бы мав Лондін зохабити або прийти з новым планом дальшых кроків. (TASR,Pkf)