Депутаты Европского парламенту за мадярьску владну партію Fidesz будуть годны продовжовати у своїй діялности як повноцінны членове у фракції Европской людовой партії наперек тому, же людовці їм в марці позаставили членство. Написав то днесь лівіцьовый денник Népszava. Покля депутаты вырішать, же хотять продовжовати в роботі в рамках европскых людовців, можуть і докінця будуть годны здобыти ведучі позіції в парламенті ці выборах, інформовали денник неменованы жрідла. Фракція Европской людовой партії буде мати перше засіданя в Бруселі в середу. Выберуть собі старонову презідію, на посаді председы потвердять Манфереда Вебера, а якбач і зновузволеных дотеперішніх членів презідії. На місці підпредседы зістане і Йожеф Саєр з партії Fidesz, покля на функцію буде кандідовати.

(Медвідь, TASR)