Найменше 1332 людей уж вчера арештовали в Росії в часі вчерайшых протестів протів частковій мобілізації, котру у своїм выступліню ознамив шеф Кремля Владімір Путін. Пресаґентура TASR о тім інформує на основі справы незалежного здружіня OVD-Info, котре в Росії моніторує протівладны протесты і чісло затриманых. Демонштрації протів оголошеній мобілізації ся одбывають в найменше 38 містах Росії, уваджать OVD-Info з тым, же іде о найвекшы протесты од зачатку російской інвазії на Україну. Найвеце затриманых осіб євідує в Петрограді (545) і в Москві (503). (TASR, Pkf)