Два новы розсяглы лісны пожары розгоріли ся в понедільок в Ґреції, інформовала аґентура AFP. Огень пошырює ся і за помочі вітра. Єден з пожарів розгорів ся коло села Віліа, котре є приблизно 55 км северозападно од Атен. З огньом войовало 240 гасічів включно вісем гасічскых летадел і девять гелікоптер. Другый пожар зачав шырити ся з области недалеко міста Кератеа нецілых 40 кілометрів юговыходно од Атен. Уряды нарядили евакуацію, на місці было 100 гасічів, вісем летадел і 11 гелікоптер. Ґреція почас авґуста воює з веце лісныма пожарами, котры запричінила і волна теплой погоды.

(Медвідь, TASR)