Італійська поліція захранила вчера 51 дітей, унесеных шофером їх школскым автобусом. Чоловік го до кінця пополивав бензіном і підпалив, увели уряды. „“Є то зазрак, міг бы то быти масакер. Поліція была суперова, затарасила автобус і достала з нього діти вон“ высловив ся к пригоді міланьскый прокуратор Франческо Ґрецо, котрого цітовала пресова аґентура AFP і AP. Ґрецо додав, же неможе вылучіти ани терорістичнуповязаність атаку. Пригода одбыла ся скоро 40 кілометрів од Мілана. В автобусів тім часі были учні двох класів нижшой середньой школы, котру навщівують діти од віку 11 до 14 років. Цілково 51 учнів ся вертало зо шпортовой акції в допроводі трьох дорослых, кедь шофер автобусу зразу змінив трасу і ознамив, же вшыткы суть його заложниками. (TASR, Pkf)