Стовкы турецькых жен походовали в неділю уліцями Істанбулу, жебы протестовати проти аґресії тамтешніх мужів, котры од них жадають, жебы ся облікали конзерватівніше. Інфомровала о тім аґентура Reuters. Протест під назвов „Не старайте ся до мого автфіту“ ся зачав в азійскій части міста. Жены кричали гесла і на вішаках несли класічны курты ногавкы по коліна як приклад облечіня, котре мужі беруть за неприятельне. Як інформачна аґентура написала, Істанбул ся бере за релатівно свободне місто, но єдночасно звертать увагу на то, же презідент Речеп Таїп Ердоґан вєдно із свойов владнучов ісламсков Партійов справедливости і розвитку не є толерантный односно дісенту і не має інтерес росшырьовати ани права жен і меншын.
(Петро Медвідь)