Опозічна конзерватівна партія Fiana Fáil стала зо здобытьом 38 із 160 мандатів тісным переможцьом суботняйшых парламентных волеб в Ірландії. Лем о єден мандат менше буде мати лівіцьово-републіканьска партія Sinn Féin, котра просаджує зъєдиненя Ірландії і Северной Ірландії. Подля аґентуры AFP то выходить з дефінітівных резултатів, котры были публікованы в ночі на віторок. На третім місці скінчіла партія Fine Gael теперішнього премєра Леа Варадкара, котрый якбач у функції кінчіть, кедьже його меншынову владу уж не хоче підпорьовати опозічна Fianna Fáil.

(Медвідь, TASR)