Бенні Ґанз, найважнішый вызыватель ізраїльского премєра Бенйаміна Нетанйагуга в днешніх парламентных вольбах, вызвав на зміну політичной културы по рік тырваючій патовій політичній сітуації в країні. „Є уж час, абы сьме ся вецей зєднотили,“ повів Ґанз по тім, як одовздав свій голос в місті Рош Гаайін. „Вірю, же днесь є день, коли зміниме способы і перестанеме зо шкандалізуваням і ціґаніням,“ додав в ясній наражкі на Нетанйагуга. Аґентура AFP припоминать, же в Ізраїлі ся одбывають уж треті парламентны вольбы в часі 11 місяців. Повторюючі вольбы ся одбывають з причпины того, же по вольбах з 9-го апріля і 17-го септембра 2019 ся лідрам ниякой з парламентных партій неподарило меджі 120 посланцями Кнесету зозберати 61 голосів на підпору потенціоналной коаліції. (TASR, Pkf)