В Якутьскій републиці на російскім Далекім выході є евідовано веце як 300 лісных пожарів з цілковов теріторійов перевышуючов 1,3 міліона гектарів. Ознамили то днесь містьтны уряды, інформувала аґентура  Interfax. Подля урядів в реґіоні днесь евідують 316 лісных пожарів, причім ся гасить 76 пожарів з теріторійов скоро 500.000 гектарів. На гасіню пожарів робить 2244 людей за помочі технікы. До області днесь прийшли і два летадла російского міністерства обраны, котры поможуть з гасіням пожарів. На цілій теріторії Якутьской републикы є у звязку з лісныма пожарами выголошеный вынятковый став і шпеціалный протіпожарный режім. (TASR, Pkf)