Приближні 11 % ліків в розвойовых країнах є сфалшованых і суть рочні причинов смерті 10 000 дітей, котры суть хворы на маларію ці запал плюц. Інформувала о тім Світова здравотницька орґанізація. Є то першый покус орґанізації ОСН о аналізу даного проблему. Одборниці проаналізували 100 штудій обсягуючіх дослідженя 48.000 ліків. Лікы на маларію і бактеріялны інфекції творили скоро 65 процентів фалшованых ліків. Даный проблем с фалшованыма лікамі є передовшыткым в худобных країнах. Предпокладать ся, же на запал плюц в скуточности вмре каждый рік по ужыті злых ліків коло 72.000-169.000 а на маларію коло 116.000 дітей.
(Петро Кімак-Фейко)