Федералны аґенты у четверь затримали підозрїлого в припадї унику чутливых документів америцькых тайных служеб. Потвердив то міністер справодливости США Мерік Ґарланд. Іде о члена Народной ґарды штату Месечусетс, котрого обвинять з неоправненого опублікованя утаёваных інформацій о народній обранї. TASR о тім інформує подля аґентур AP і DPA. Затриманым є 21- рочный Джек Теіксеіра, заместнанець Воздушных сил Народной ґарды США, увів Ґарланд. В короткім выражіню про новинарїв додав, же аґенты Федералного уряду про вышетрёваня го взяли до везбы ,,без інціденту“  а передведуть го перед федералный суд в Месечусетс.

(TASR, Шутіова)