17. януарa є од року 2007 призначеный Світовым конґресом Русинів як Народнe свято Русинів Сербії. Як каждый датум призначеный на ославы є повязаный з історічныма подіями. В данім припаді є то припомянутя собі подій, коли в 1751 року радця Марії Терезії і адміністратор Королівско-державного Дистрікту в Зомборі, Франц Йозеф де Редль, підписав першый урядный документ – Контракт заселіня 200 русиньскых ґрекокатолицькых родин зо Земпліна до тодішнього Великого Керестура. Тот день ся бере за початок існуваня Русинів на даній території. Того річны ославы Народного свята Русинів Сербії ся одбыли в суботу в многых русиньскых селах ці містах Сербії з центром ослав в Рускім Керестурі.