Тісячі людей в ночі на четверь брали участь на протестах в Северній Македонії проти Франційов пропонованого компромісу о закінчіню спору той країны із сусідньов Булгарійов, котра блокує вступ Скопє до Европской унії. Демонштрації продовжовали без перервы вже пятый день. При демонштраціях приходить і ку атакам на поліцію, што одсудив тамтешній премєр Димитар Кавачевскый. Булгарія тискать на то, жебы Северна Македонія офіціално признала, же їй язык має булгарьскы коріня, жебы признала булгарьску меншыну і перестала з „ненавистныма проявами“ односно Булгарії.

(Медвідь, ТASR)