Делеґації Сполученых штатів і Україны зачали вчера в Савдскій Арабії переговоры о перспектіві часткового приміря у войні з Російов. Ознамив то україньскый міністер обороны Рустем Умеров, подля котрого меджі темами патрить охрана крітічной інфраштруктуры. Інформували о тім аґентуры Reuters і AFP. Як конкретізував Умеров, же проґрам загорнює пропозиції на охрану енерґетічных заряджінь і крітічной інфраштруктуры. Америцько-україньска стріча передходила їднаням меджі делеґаціями США і Російов, котры ся одбывають якраз днесь в савдскоарабскій метрополі. (TASR, Pkf)