Переговоры делеґацій Споєных штатів і Росії в саудоарабскім Ріяді в понедільок вечур скінчіли по веце як 12-ох годинах. Аґентура ТАСС інформовала, же сполочне выголошіня о заключінях буде публіковане у віторок. Російску делеґацію вів председа Комітету про меджінародны діла в Раді федерації Ґриґорій Карасин. Споєны штаты послали на переговоры веце тімів, в котрых были участны окремый посол США про Україну і Росію Кейт Келлоґґ, і радник Білого дому про народну безпеку Майк Валц. Головнов темов было переміря в Чорнім морі, але америцькый презідент Доналд Трамп в понедільок вечур повів, же бісідовало ся і о теріторії, демаркачных лініях, енерґії і властництві електрарень на Україні.

(Медвідь, TASR)