Російскый презідент Владімір Путін выголосив, же хоче „цілком обновити“ нарушены односины меджі Вашінґтоном і Москвов. Шеф Кремля то повів в часі навщівы америцького міністра заграничных справ Майка Помпея в Росії, інформувала  о тім пресаґентура  AFP. Путін єдночасно позначив недавну справу америцького самостатного выслухуючого Роберта Муелера о перевірювані атаку Росії до америцькых презідентьскых волеб з року 2016. За словами Путіна Муелер зробив цілком обєктивне дослідженя і потвердив абсенцію хоцьякой сполупраці меджі америцьков адміністратівов і Російов. (ТАСР, Пкф)