Сполочне засїданя чеськой і польской влады ся одбуде на будучій тыждень в Празї. Кабінеты будуть довєдна роковати о енерґетічній безпечности, міґрації ці поводнёвій охранї. У четверь то ознамив чеськый уряд влады. Окрем вопросів черезгранічной кооперації будуть головныма темами сполочного рокованя кооперація в области ядровой енерґетікы ці енерґетічна безпечность, выставба транспортной інфраштруктуры, але і сполочны крокы повязаны з поводнёвов охранов, о котрых ся інтензівнїша діскусія зачала в повязаню з недавныма нищівыма заливами в обидвох державах. Кабінеты бы мали говорити і о ґеополітічных темах враховано підпоры Україны і приправы Польщі на надходяче председництво в Радї ЕУ.

(TASR, Шутіова)